Elorda bazarlarynda urlanǵan mal eti satylyp kelgen
NUR-SULTAN. QazAqparat – 14-15 qazan kúnderi Nur-Sultan qalasynda «Mal urlyǵy» jedel-profılaktıkalyq sharasy ótti, dep habarlaıdy QazAqparat elordapolıtsııa departamentiniń baspasóz qyzmetine silteme jasap.
Jedel-profılaktıkalyq shara barysynda mal urlaýǵa qatysy bar adamdar anyqtaldy.
Elordaǵa kireberistegi beketterde mal nemese et ónimderin tasymaldaıtyn barlyq kóliktiń sertıfıkaty, veterınarlyq qujaty, anyqtamalarynyń bar-joǵy tekserildi.
Júrgizilgen shara aıasynda polıtseıler qaladaǵy saýda oryndaryna et ónimderin jetkizýshilerdiń tıisti qujattaryn da tekserdi. Kúıgenjar, Maraldy, Oqjetpes, Órken, Tobyl beketterinde jáne «Álem» saýda úıinde 14 zań buzý faktisi anyqtaldy.
Veterınarlyq talaptardy saqtamaǵany úshin QR ÁQBtK 406-baby negizinde ákimshilik hattama toltyryldy.
Sonymen qatar, elordanyń shetindegi aýyldardy aralaý kezinde 5 mal jaıý erejesin buzý faktisi anyqtaldy. Jaıylyp júrgen tórt túlik maldyń ıeleri anyqtalyp, olar QR ÁQBtK 408-bap boıynsha ákimshilik jaýapkershilikke tartyldy.
Sondaı-aq, olarmen elorda aýmaǵynda jaıylym talaptaryn saqtaý boıynsha profılaktıkalyq sıpattaǵy áńgime ótkizildi.
Mysaly, «Kúıgenjar» kentiniń mańynda jylqylar úıiri ıesiz qalǵan jáne jol boıynda qaraýsyz jaıylyp júrgen. Osylaısha olar kólik qozǵalysyna qaýip tóndiredi.
