Elorda bazarynda jalǵan veterınarlyq mór basylǵan et satý faktisi anyqtaldy
Elorda bazarynda jalǵan veterınarlyq mór basylǵan et satý faktisi anyqtaldy, dep habarlaıdy Polisia.kz.
Іshki ister organdary mal urlyǵymen aınalysatyn adamdardy anyqtaýdy, sondaı-aq et jáne et ónimderin satý salasyndaǵy quqyqqa qaıshy qyzmet boıynsha jumysty jalǵastyrýda.
Astana qalasynyń polıtsııa qyzmetkerlerin, ІІM krımınaldyq polıtsııa departamentiniń úılestirýimen Astana qalasynyń bazarlarynyń birinde etti kedergisiz ótkizý maqsatynda jalǵan mórdi paıdalaný faktisiniń jolyn kesti. Ustalǵan bazar satýshysynan jeke tintý kezinde veterınarııalyq baqylaýdan ótkeni týraly aýyl sharýashylyǵy janýarlarynyń ushalaryna mór basýǵa arnalǵan “aldyn ala tekserý” jalǵan móri tárkilendi.
Ustalǵan adamnyń AShM veterınarııalyq baqylaý jáne qadaǵalaý komıtetiniń ınspektsııasyna eshqandaı qatysy joq jáne zerthanalyq zertteýler júrgizilmegeni anyqtaldy. Mórdi bir aıdan astam ýaqyt boıy qoldana otyryp, ol Astana bazarynda et satýǵa ruqsat berý úshin ákelingen et ónimderin “tekserýdi” júzege asyrdy.
Qazirgi ýaqytta Astana qalasy QR AShM veterınarııalyq baqylaý jáne qadaǵalaý komıtetiniń aýmaqtyq ınspektsııasyna habarlamalar jiberildi, oǵan et ónimderin satý boıynsha naryq qyzmetin tekserýge qatysty tıisti sharalar qabyldanýda.
Ustalǵan tulǵaǵa jáne bazar ákimshiligine mal urlyǵyna jáne urlanǵan etti satýǵa qatysy bar bolýy múmkindigin anyqtaýǵa baǵyttalǵan tergeý áreketteri men jedel-izdestirý is-sharalary júrgizilýde.
