Elorda barynda bir ýaqytta 250-ge jýyq adam kóńil kóterdi

NUR-SULTAN. QazAqparat - Elordanyń monıtorıng toptary birneshe aı boıy kúsheıtilgen rejımde jumys istep keledi. Olar kún saıyn qalanyń kásipkerlik nysandary arasynda karantın buzýshylardy anyqtaýda. Mekemelerde sannormalar, betperde rejımi, áleýmettik qashyqtyq jıi buzylady, dep habarlaıdy qala ákimdiginiń resmı saıty.

Ótken táýlikte, ıaǵnı 4 maýsymda monıtorıngtik toptar 5 mekemeni ákimshilik jaýapkershilikke tartty.

Almaty aýdanynda 4 mekeme karantın rejımin buzǵany anyqtaldy. Olar: eki loto klýby, «Alanııa» túngi klýby jáne «One Bar» bar.

Saryarqa aýdanynda «Anor» ashanasy 22:00-den keıin de jumys isteýin toqtatqan joq.

Al Baıqońyr aýdanynda ornalasqan «Porta Fortýna» meıramhanasynda 50 adamǵa arnalǵan úılený toıy ótti.

Sondaı-aq, «Draft», «Mıata» barlary karantındi buzǵany úshin jaýapkershilikke tartyldy.

Esil aýdanynda «Cabera» grıl-barynda monıtorıngtik top bir ýaqytta 250 adamnyń bolǵanyn anyqtady.

Jınalǵan materıaldar tıisti sharalar qabyldaý úshin aýdandyq sanıtarlyq-epıdemıologııalyq baqylaý basqarmasyna tapsyryldy.

Esterińizge sala keteıik, el astanasy «qyzyl» aımaqqa engenine úshinshi aı boldy. Qaladaǵy epıdemıologııalyq jaǵdaı áli de turaqsyz.

Elorda turǵyndary men qonaqtary, sondaı-aq kásipkerlik nysandary koronavırýstyq ınfektsııanyń odan ári taralýyn boldyrmas úshin sanıtarlyq normalar men karantın talaptaryn qatań saqtaýy kerek.