Elorda balabaqshalarynda jedel áreket etý ortalyǵy ashylady

NUR-SULTAN. QazAqparat – Nur-Sultan qalasynyń mektepke deıingi bilim berý uıymdarynda jedel áreket etý ortalyqtary jumys isteıdi, dep habarlaıdy QazAqparat tilshisi.

«Jańa oqý jylyna deıin elordanyń balabaqshalaryn jedel áreket etý ortalyǵymen qamtamasyz etý máselesi qaralyp jatyr. Ol úshin búginde tıisti qarajat bólinip, kelisimsharttar jasalýda. ıAǵnı, bıyl jańa oqý jyly bastalǵanda elorda balabaqshalary jedel áreket etý ortalyqtary júıesine qosylady dep josparlap otyrmyz», - dedi Nur-Sultan qalalyq Bilim basqarmasynyń basshysy Shákárim Seısenbaı elorda máslıhatynyń jalpy otyrysynda.

Onyń aıtýynsha, balalardyń qaýipsizdigin qamtamasyz etý kún tártibindegei basty suraqtardyń biri bolyp qala beredi.

«Nur-Sultan qalasynda áli de bolsa mektepke deıingi uıymdardy beınebaqylaý kameralarymen tolyqtyrý qajettiligi bar. ıAǵnı, barlyq beınebaqylaý kameralaryndaǵy aqparatty qala ákimdiginiń biryńǵaı ahýaldyq ortalyǵy men Polıtsııa departamentiniń jedel basqarý ortalyǵyna tikeleı jetýin qamtamasyz etý qajet. Sonymen qatar balabaqshalarda týrnıketter men daýystyq habarlandyrý júıesin ornatý kerek. Osy oraıda balabaqsha qaýipsizdigi úshin jedel áreket ortalyǵynyń mańyzy zor jáne bul jumys qosymsha qarjylandyrýdy talap etedi», - deıdi ol.

Osyǵan deıin Sh. Seısenbaı elorda balabaqshalary 100 paıyz beınebaqylaý kameralarymen qamtamasyz etilgenin aıtqan edi.