Elorda balabaqshalarynda dezınfektsııalyq rejim kúsheıtildi
NUR-SULTAN. QazAqparat - Elorda balabaqshalarynda dezınfektsııalyq rejim kúsheıtildi. Bul týraly Nur-Sultan qalalyq qoǵamdyq densaýlyqty saqtaý basqarmasynyń basshysy Sáýle Qısyqova aıtty, dep habarlaıdy QazAqparat tilshisi.
«Eger ata-ana balasyn úıde qaldyrýǵa múmkindigi bolsa, onda solaı jasaýyna erki bar. Mektepke deıingi bilim berý uıymdarynda dezınfektsııalyq rejim kúsheıtildi. Medıtsınalyq tekserip qaraý tańerteń bastalyp, kúni boıy júrgiziledi. Balabaqshalar rejim saqtaý arqyly jumys isteı beretin bolady», dedi Sáýle Qısyqova.
Buǵan deıin Nur-Sultan qalalyq qoǵamdyq densaýlyqty saqtaý basqarmasynyń basshysy qalada koronavırýstyń taralýyna jol bermeý baǵytynda qolǵa alynǵan sharalardy aıtqan edi.
Sondaı-aq koronavırýs juqtyrmaý úshin azamattar qandaı saqtyq sharalaryn saqtaý kerektigin atap ótken bolatyn.
