Elorda aınalma jolynda qozǵalysqa ýaqytsha shekteý engiziledi
ASTANA. KAZINFORM – 3-9 shilde aralyǵynda Astana qalasy aınalma jolynyń 8-22 shaqyrym ýchaskesinde qozǵalysqa ýaqytsha shekteý engiziledi, dep habarlaıdy «QazAvtoJol» ulttyq kompanııasy.
Shekteý atalǵan ýchaskede jol jabynyna ortasha jóndeý jumystarynyń júrgizilýine baılanysty engizilip otyr.
Kompanııa júrgizýshilerge sapar baǵytyn aldyn ala josparlap, ýaqytsha shekteýlerdi eskerýge jáne jol belgileriniń talaptaryn qatań saqtaýǵa keńes berdi.
«Júrgizýshilerden sapardy aldyn ala josparlaýdy, engizilgen shekteýlerdi eskerýdi jáne jol belgileriniń talaptaryn qatań saqtaýdy suraımyz», – delingen habarlamada.
Aıta keteıik, Astanada Syǵanaq kóshesiniń jóndeý jumysyna baılanysty ishinara jabylady.
