Elorda avtobýstarynda QR-kod arqyly jolaqy tóleý qyzmeti óshirilmeıdi - CTS
NUR-SULTAN. QazAqparat - City Transportation Systems kólik kompanııasy budan bylaı avtobýsta QR-kod arqyly jolaqy alynbaıtyny jaıly aqparatty joqqa shyǵardy, dep habarlaıdy QazAqparat.
«Qurmetti jolaýshylar! Messendjerlerde elorda avtobýstarynda QR-kod skanerleý arqyly jolaqy tóleý qyzmeti óshiriletini týraly aqparat tarady. CTS baspasóz qyzmeti bul aqparattyń shyndyqqa janaspaıtynyn resmı túrde málimdeıdi» delingen kompanııa habarlamasynda.
Astana avtobýstarynda QR-kodty skanerleý arqyly jolaqy tóleý shtattyq rejımde jumys isteıdi jáne ony óshirý qarastyrylyp jatqan joq.
«Sizden tek resmı derekterge senim artýdy jáne jalǵan aqparat taratpaýdy suraımyz» dep eskertedi kólik kompanııasy.
Esterińizge sala keteıik, elordada jol aqysy qolma-qol aqshasyz tólenedi: kólik kartasy kómegimen nemese QR-kod skanerleý arqyly.
