Elorda aýrýhanalaryna koronavırýsty emdeýge arnalǵan apparattar kelip tústi
NUR-SULTAN. QazAqparat - Elordanyń medıtsına mekemelerine COVID-19-dy emdeýge arnalǵan apparattar kelip tústi, dep habarlaıdy QazAqparat.
Qalalyq ákimdiktiń málimetine sensek , shahardaǵy kópsalaly statsıonarlar men juqpaly aýrýlar aýrýhanalary Nigh-Flow oksıgenatsııa apparattarymen jabdyqtalǵan. Elorda ákimdigi COVID-19 juqtyrǵan naýqastardy emdeýge qajetti 50-den astam joǵary tehnologııalyq apparatty satyp aldy.
Joǵary aǵyndy ottegi-aýa oksıgenatsııasy (High-Flow) ottegi terapııasymen respıratorly qoldaýdy qajet etetin naýqastarǵa arnalǵan.
Terapııanyń bul túri ásirese koronavırýstan týyndaǵan aýrýlarǵa asa qajet. Mundaı asqynýlar: pnevmonııa, gıpoksııalyq tynys jetispeýshiligi, gıpoksııalyq respıratorlyq stress sındromy.
Qalalyq juqpaly aýrýlar aýrýhanasynda HFNOT (high-flow nasal oxygen therapy) tehnologııasy ornatylǵannan beri densaýlyǵy jaqsaryp, aýrýhanadan aman-esen shyǵarylǵan 50-den astam KVI-men aýyrǵandar em aldy.
«Mundaı qurylǵynyń artyqshylyǵy – bul oksıgenoterapııanyń klassıkalyq túrlerine qaraǵanda áldeqaıda tıimdi, olarda saptamalary bar maskalar nemese rezervýar sómkeleri bar maskalar qoldanylady. HFNOT sonymen qatar óli keńistikti azaıtady jáne kómirqyshqyl gazyn joǵarǵy tynys joldarynan shyǵarýǵa kómektesedi, bul tynys alýdy azaıtady jáne jeldetýdiń tıimdiligin arttyrady», - deıdi qalalyq Qoǵamdyq densaýlyq saqtaý basqarmasynyń basshysy Tımýr Muratov.
Búgingi tańda statsıonarlar ÓJJ apparattarymen 100% qamtylǵan. Sondaı-aq 19 KT (respýblıkalyq klınıkalardy, jeke medıtsınalyq uıymdardy jáne ózge de uıymdardy qosa alǵanda), 27 rentgen apparaty, 1 myńnan astam ottegi kontsentratory jáne shamamen 1,5 myń ottegi núktesi bar.
