Elorda aýmaǵyndaǵy jerlerge revızııa júrgiziledi
Qala basshysy elorda aýmaǵyndaǵy jerlerdiń qanshalyqty tıimdi ıgerilip jatqanynan taldaý jasaý qajettigin aıtady.
«Ózekti máseleniń biri jerdi tıimdi paıdalaný. Jer – óndiristiń negizgi tiregi. Ózimniń orynbasarym Asqar Amrınovke sáýlet, qala qurylysy jáne jer qatynastary basqarmasymen birlesip barlyq jerge revızııa jasaýdy tapsyramyn. Qazirgi jaǵdaıdy naqtylap, nátıjesi boıynsha taldaý jasaý qajet. Qalyptasqan máselelerdi joıý týraly usynystar beretin bolyńyzdar», -dedi ákim QR Prezıdenti Qasym-Jomart Toqaevtyń qatysýymen ótken Úkimettiń keńeıtilgen otyrysynda júktelgen mindetterdi oryndaý boıynsha ótken jıynda.
Altaı Kólginov taǵy bir orynbasary Nurlan Núrkenovke saqaldy qurylystardyń jaǵdaıyn zerdeleýdi tapsyrdy.
«Nurlan Jańbyrshyulyna qalalyq orta sapasy jáne baqylaý basqarmasymen birge ıgerilmeı jatqan jerler boıynsha túbegeıli sharalar qoldanýdy júkteımin. Jer telimderin zańsyz negizde, óz betimen ıemdený faktilerin, zańsyz salynǵan nysandar men jyldar boıy bitpeı jatqan qurylystar boıynsha naqty sheshimder qabyldaý qajet», - dedi qala basshysy.
