Elorda aýmaǵyndaǵy saıajaılarda 7 036 adam turady
ASTANA. Aqpannyń 25-i. QazAqparat /Rýslan Ǵabbasov/ - Elorda aýmaǵyndaǵy saıajaılarda 7 036 adam turady. Bul týraly búgin saýyqtyrý sharalary aıasynda Astana aýmaǵyndaǵy saıajaılarda ótkizilgen tekserýdiń nátıjesimen tanystyrý kezinde Astana qalasy ІІD Kóshi- qon basqarmasynyń bastyǵy Qusaıyn Sandybaev málim etti,
dep habarlaıdy QazAqparat.
Onyń aıtýynsha, bıylǵy jylǵy aqpannyń 22-si men 25-i aralyǵynda 36 saıajaı qoǵamdastyǵy tekserildi. Onyń 15-i «Almaty», 16-sy «Esil» jáne 5-i «Saryarqa» aýdandaryna tıesili.
Barlyǵy 4 130 saıajaıdaǵy úıler tekserilip, onyń 1 929-ynda azamattar turyp jatyr, al qalǵany, ıaǵnı qysqy maýsymda bos tur.
«Atalǵan shara barysynda elordadaǵy saıajaılarda 7 036 adam turatyny (onyń 2 199-y balalar) belgili boldy»,-dedi Q. Sandybaev.
Onyń sózine qaraǵanda, saıajaılardaǵy turǵyndardyń kóbi Astanaǵa elimizdiń ózge aımaqtarynan kelip qonystanǵan. Negizinen Aqmola, Ońtústik Qazaqstan, Jambyl, Qostanaı jáne basqa da oblystardan kelgender.
Atap aıtqanda, sonymen birge onda Ózbekstan, Qytaı, Mońǵolııa, Qyrǵyzstan, Reseı memleketterinen kelgen 172 oralman, Qazaqstanda turýǵa rusaty bar 10 sheteldik azamat anyqtaldy.
