Elorda aýmaǵynda jas qyzdar óz qalaýlarynsyz jynystyq quldyqtyń qurbany bolǵan
ASTANA. 20 qyrkúıek. QazAqparat - Elorda aýmaǵynda jas qyzdar óz qalaýlarynsyz jynystyq quldyqtyń qurbany bolǵan, dep habarlady Astana qalalyq ІІD baspasóz qyzmeti.
Olardy satýshy adamdy quryqtaý elordalyq saqshylardyń eń mańyzdy tapsyrmalarynyń biri boldy. Astana qalalyq ІІD Uıymdasqan qylmysqa qarsy kúres basqarmasynyń qyzmetkerlerimen qatar QR ІІM Krımınaldy polıtsııa komıtetiniń qyzmetkerleri birigip júrgizgen jedel-izdestirý is-sharalarynyń barysynda Ońtústik Qazaqstan oblysynyń 1987 jylǵy turǵyny ustaldy.
Aldap nemese qorqytyp ol qyzdardy jynystyq qyzmet kórsetý úshin Astanaǵa jetkizip, olar úshin aqsha alǵan. Óziniń qara áreketin ol bir top tulǵamen aldyn ala kelisip jasaǵan. Jas qyzdardy jezókshelikke ıtermelegen sebepteri - olardyń arqasynda aqsha tabý. Atalǵan azamat qyzdardy Qazaqstannyń basqa aımaqtarynan ákelip turǵan. Ádettegideı, taýardyń quny 20 myńnan 100 myńǵa deıin baǵalanǵan. Qyzdardyń quny olardyń jasy men túr-álpetine baılanysty bolǵan.
Ustalǵan tulǵa ýaqytsha qamaýda ustaý ızolıatoryna alyndy. Aıǵaqty zattar ıaǵnı, qyzdardy satý arqyly tapqan aqshalary tárkilendi. Tergeý júrgizilýde.
