Elorda aýmaǵynda zańsyz kontrafaktilik dybys-beıne jazý týyndylaryn saýdalaǵandar ustaldy
ASTANA. 14 mamyr. QazAqparat - Astana qalasy Ádilet departamentiniń Zııatkerlik menshik quqyqtary jónindegi bólimi Astana qalasy Іshki ister departamentiniń «K» bólimshesimen birlesip 10-12 mamyrda avtorlyq quqyq jáne sabaqtas quqyqtar zańnamasyn saqtaý tártibine, sonyń ishinde kontrafaktilik dybys-beıne jazý týyndylaryn zańsyz taratýǵa tosqaýyl qoıý úshin elordanyń aýmaǵynda birneshe tekseris is-sharalaryn ótkizdi. Bul týraly atalǵan Ádilet departamentinen habarlandy.
Uıymdastyrylǵan sharalar barysynda Astana qalasynyń «Shanhaı» jáne «Ortalyq bazar», «Artem», «Shapaǵat», «Ásem», «Esil» saýda úıleriniń aýmaǵynda birneshe tekserister júrgizildi.
Onyń barysynda kontrafaktilik dybys-beıne jazý týyndylaryn zańsyz satýdyń 14 ornynan jalpy somasy 694 500 teńgeni quraıtyn DVD formatyndaǵy dıskilerdiń 2315 danasy tárkilendi. Barlyǵy 14 adam ustaldy. Olar 21- 32 jas aralyǵyndaǵy QR azamattary.
Tárkilengen ónim jáne ustalǵan adamdar zańnama talaptaryna sáıkes protsesýaldyq sheshim qabyldaý úshin ishki ister organdaryna jetkizildi.
