Elorda aýmaǵynda sý tasqyny qaýpi bar ýchaskeler anyqtaldy
Onyń aıtýynsha, 2021 jylǵy 9 aqpanda Nur-Sultan qalasynyń ákimdigi «Nur-Sultan qalasynyń aýmaǵynda kóktemgi tasqyn sýlardyń aǵymdaǵy jaı-kúıi jáne olardy ótkizýge daıyndyq týraly» komıssııa otyrysyn ótkizdi. Nur-Sultan qalasy boıynsha 2021 jylǵy sý tasqyny kezeńine sý tasqyny qaýpi bar 29 ýchaske anyqtaldy (2019 jáne 2020 jyldary– 37), ıaǵnı 2019 jáne 2020 jyldardan bastap 8 ýchaske azaıdy.
2021 jylǵy 25 aqpandaǵy jaǵdaı boıynsha qala aýmaǵynan 906 286 m3-tan astam qar shyǵaryldy.
«Bul rette elorda boıynsha 11 polıgon bekitilgen, osy polıgondarǵa qar shyǵarylyp jatyr», - dedi Esen Baıyrov onlaın rejımdegi brıfıngi barysynda.
Sonymen qatar qalanyń basqarý organdarymen birlese 2021 jylǵy 4-5 naýryzda «Kóktem 2021» respýblıkalyq komandalyq-shtabtyq jattyǵýlary júrgiziledi. Onda azamattyq qorǵaýdyń aýmaqtyq memlekettik júıesiniń ázirligi tekseriledi.
«Atalǵan 29 ýchaskedegi qaýipterge qatysty tıisti is-sharalar uıymdastyrylady. Sý tasqyny zardaptarynyń aldyn alý jáne joıý úshin «Astana Tazalyq» JShS 12,6 tonna ınertti materıal qoryn, 3,5 myń qap daıyndady», - dedi departament ókili.