Elorda aýmaǵynan zańsyz tógilgen qoqys kórseńiz, qaıda habarlasý kerek
NUR-SULTAN. QazAqparat - Jyldyń 6 aıynda iKOMEK sıtýatsııalyq ortalyǵyna qarasty 16 myńnan astam beıne kameraǵa 10 128 zańǵa qaıshy jaǵdaı túsip qalǵan», dep habarlaıdy QazAqparat.
Bul týraly Nur-Sultan qalasy ákimdiginiń baspasóz qyzmeti aqparat taratty. Resmı málimetke súıensek, saıabaqtar men gúlzarlardyń, meshitter men avtobýs aıaldamalarynyń, vokzaldardyń aýmaǵyna ornatylǵan kameralar ásirese zańsyz qoqys tógý faktilerin jıi áshkereleıtin kórinedi.
«Qalalyq polıtsııa departamenti ekologııalyq polıtsııa bólimimen birlese otyryp, stıhııalyq oryndarǵa qoqys shyǵarýdyń 30-dan astam faktisi anyqtady. Jyl basynan beri 22,8 mln teńgeden astam somaǵa 1 500-den astam ákimshilik quqyq buzýshylyq anyqtalyp, rásimdeldi. Sonymen qatar, iKOMEK sıtýatsııalyq ortalyǵy 76 qylmysty ashýǵa kómektesti», - delingen ákimdiktiń aqparatynda.
Jyl basynan beri iKOMEK beınebaqylaý operatorlary turǵyn úı-kommýnaldyq sharýashylyq salasynda 5 830 buzýshylyq faktisin anyqtaǵan. iKOMEK qalalyq ortalyǵynyń basshysy Jannat Dúbirova qaladaǵy zańǵa qaıshy áreketke kýá bolǵan azamattar iKOMEK ortalyǵyna mynadaı joldarmen habarlasa alatynyn aıtady.
1. Ákimdiktiń resmı saıty: astana.gov.kz
2. Telegram Chat-boty (t.me/nursultanikomek109_bot);
3. IKOMEK109 (PlayMarket/AppStore)mobıldi qosymshasy;
4. Smart Astana (PlayMarket/AppStore) mobıldi qosymshasy.
