Elorda aýmaǵy 20 jylda úsh esege ósti – Altaı Kólginov
NUR-SULTAN. QazAqparat – Nur-Sultan qalasynyń kólemi 2000 jyly 300 myń sharshy shaqyrym bolsa, qazir úsh esege keńeıip, 800 myń sharshy shaqyrymǵa jetti. Bul týraly Nur-Sultan qalasynyń ákimi Altaı Kólginov halyqqa esep berý kezdesýinde aıtty, dep habarlaıdy QazAqparat.
«Bıyl Nur-Sultan qalasynyń elorda bolǵanyna 22 jyl tolady. Qalamyzda osydan 20 jyl buryn dúnıege jylyna 4500 sábı keletin bolsa, qazirgi ýaqytta 25 myń sábı dúnıege keledi. Sonymen qatar, jylyna 50 myńdaı adam qalaǵa kóship kelýde. Nur-Sultan qalasynyń kólemi 2000 jyly 300 myń sharshy shaqyrym bolsa, qazir úsh esege keńeıip, 800 myń sharshy shaqyrymǵa jetti», - deıdi Altaı Kólginov.
Ol buryn elorda sheneýnikter qalasy dep atalsa, qazirgi ýaqytta bıznes qalasyna aınalyp bara jatqanyn aıtty.
«Bıznes sýbektileri qanshalyqty kóbeıgenin ózderińiz de kórip júrsizder. Qazirgi kezde orta jáne shaǵyn bıznesti damytý kerek ekendigi týraly tapsyrma berdi, bul ekonomıkamyzdyń damýyna úles qosady. Buryn sheneýnikter qalasy atalǵan elordamyz bıznes qalaǵa aınalyp kele jatyr», - deıdi ol.
