Elorda aýlalary qardan tazalanbasa qaıda shaǵymdanýǵa bolady
NUR-SULTAN. QazAqparat – Elordada qalyń qar kúsken kezde táýligine 2,5 myń KamAZ qar qala syrtyna shyǵarylady. Bul jaıynda Nur-Sultan qalalyq ákimdiginen málim etti, dep habarlaıdy QazAqparat tilshisi.
Qala ákimdigi baspasóz qyzmetiniń jetekshisi Aqmaral Oljabaevanyń aıtýynsha, qańtardyń 20-nan 21-ine qaraǵan túnde elorda ákimi Altaı Kólginov qalany sholyp shyǵyp, qar tazalaý barysyn baqylaýǵa aldy.
«Elordany qardan tazalaý jumysyna kún saıyn bir myńnan astam tehıka men 2 myńǵa jýyq jumysshy jumyldyrylady. Ortaza esepen bir kúnde KamAZ-dar 2,5 myńǵa deıin reıs jasaıdy. 20-tonnanlyq júk kóligi 1 mınýt 46 sekýndtyń ishinde lyq tolady», - dedi A.Oljabaeva.
«Qysqy kezeńniń basynan bastap 2 mln tekshe metrden astam qar shyǵardyq, bul KamAZ-darmen 170 000 reıs. 20 qańtar kúni kúzdiz 1 700 jumysshy men 1 500 tehnıka jumys istedi. Aldymen mektepterge, medortalyqtarǵa, balabaqshalarǵa, áleýmettik nysandarǵa aparatyn joldar men kólik joldaryn, jaıaý júrginshiler joldaryn tazartamyz. Qar tazalaý jumystary elordanyń kommýnaldyq qyzmetteriniń qajyrly eńbeginiń arqasynda atqarylyp jatyr. Qala keńeıip keledi. Kommýnaldyq qyzmetter 3 aýysymda jumys istep jatyr. Ótken qyspen salystyrǵanda, osy maýsymda 700 myń tekshe metr qarǵa kóp shyǵaryldy (bul 55% - ǵa kóp). Qalada barlyǵy 4 qar polıgony jumys isteıdi, onyń 2-eýi toldy. Ornyna taǵy 2-eýi ashyldy. Kommýnaldyq qyzmetter parkin jańartý boıynsha josparly jumys júrgizip jatyrmyz», - dedi qalany aralaý barysynda elorda ákimi Altaı Kólginov.
Sonymen qatar qala basshysy jaýapkershilik naqty bólinýi tıistigin atap ótti. ıAǵnı, PIK pen merdiger uıymdar aýlaǵa irgeles aýmaqtarǵa, al saýda oryndary óz ýchaskelerine jaýap beredi.
Merdiger uıym ókili Erjan Imashevtiń aıtýynsha, dymqyl qardy tazalaý birshama aýyrtpalyq týdyrady.
«Qar jabyspaq bolǵan kezde onyń salmaǵy birshama aýyrlaıdy jáne KamAZ-ǵa jabysyp qalady. Tıeý da aýyrtpalyq týyndatady. Bıyl qar mol tústi. Degenmen jumysshylar kúsheıtilgen rejımde jumys istep jatyr», - dedi ol.
Aıta keterligi, búginde elorda turǵyndary úıleriniń aýmaǵyndaǵy qardyń tazalanbaı jatqandyǵyna kóp shaǵyndanýda. Osy máselege qatysty ákimdik elordalyqtarǵa mundaı kezde PIK-ke nemese merdiger uıymdarǵa júginý qajettigin aıtady.
«Aýladaǵy qardyń tazalanbaýyna PIK nemese merdiger uıym jaýapty. PIK-ten talap etý kerek. Sebebi olar turǵyn úıdiń belgili bir aýmaǵyna jaýap beredi. Al ákimdik joldarǵa, kóshelerdegi jaıaý júrginshiler jolyna, áleýmettik nysandar – mektepter, balabaqshalar men medıtsınalyq uıymdarǵa jaýapty», - dedi Aqmaral Oljabaeva.
