Elorda áýejaıynyń jóndelýine baılanysty ushý kestesine ózgerister engiziledi
ASTANA. QazAqparat - Elorda áýejaıynyń josparly jóndeýine baılanysty ushaqtardyń ushý kestesine ózgerister engiziledi, dep habarlaıdy QazAqparat tilshisi Eır-Astanaǵa silteme jasap.
Budan deıin habarlaǵanymyzdaı, Astana áýejaıynda 2023 jylǵy 15 shilde men 8 tamyz aralyǵynda (kún saıyn 11.00-den 18.00-ge deıin) ushý-qoný jolaǵyn jóndeý jumystary júrgiziledi.
«Air Astana áýekompanııasy elordadan jáne elordaǵa oryndalatyn reıster kestesine qajetti ózgerister engizip jatyr. Osy ýaqyt aralyǵyna josparlanǵan áýekompanııa reısteri erterek nemese keıinirek ýaqytqa aýystyrylady. Ózgeriske ushyraǵan reıstterdiń jolaýshylaryna bıletti satyp alý ornynda tegin qaıta brondaý nemese tolyq qaıtarý usynylady», - delingen kompanııa habarlamasynda.
