Elorda áýejaıynyń qyzmetkerleri áıel jolaýshylardy quttyqtady
NUR-SULTAN. QazAqparat – Nursultan Nazarbaev halyqaralyq áýejaıynyń qyzmetkerleri mereke qarsańynda analar men qyz-kelinshekterdi quttyqtady, dep habarlaıdy QazAqparat tilshisi.
8 naýryz – Halyqaralyq áıelder kúni meıramy qarsańynda elorda áýejaıynyń qyzmetkerleri úsh kún boıy (5,6,7 naýryz) názik jandarǵa 15 myń gúl shoǵyn syılap, qýantyp jatyr.
«Mereke qarsańynda áıelderdi quttyqtaý jyl saıynǵy dástúrge aınaldy. Bul jáne kóktem merekesi. Sharany uıymdastyrýǵa «Qazaqkontsert» memlekettik mekemesi kómektesip jatyr. Maqsat – názik jandarǵa merekelik kóńil-kúı syılaý. Áýejaıdyń birneshe bóliminiń jigitteri áıel jolaýshylarǵa gúl syılap, jyly lebiz aıtady. Atalǵan aktsııa 3 kúnge jalǵasady, saǵat 10:00 men 12:00 aralyǵynda. Sebebi osy ýaqyt aralyǵynda áýejaıda jolaýshylardyń legi kóp. Kún saıyn elorda áýejaıyna 10 myńnan astam jolaýshy kelip, ketedi. Olardyń jartysy áıelder», - dedi astanalyq áýejaıdyń baspasóz hatshysy Ánýar Shálekenov.
Búgin elorda áýejaıynda merekelik kóńil-kúı sezilip tur. Mýzyka oınap, qyz-kelinshekterdiń júzinde kúlki, qolynda gúl shoqtary.
«Merekelik atmosfera sezilip jatyr. Úndistannan ushyp keldim. Saıahatym odan ári jalǵasyn tabady», - deıdi Kenje esimdi elordalyq jolaýshy.
«Qostanaıǵa ushyp baramyn. Áýejaıda kútpegen jerden gúl shoǵyn syılady. 8 naýryz – ol kóktemniń belgisi. Áıel jandardy qurmettep, gúl syılap, ánnen shashý tartý etip jatqany qýantady», - dedi jolaýshy Valentına.
«Kútpegen qýanysh. Jyl saıyn mereke qarsańynda orkestrdiń súıemeldeýimen jandy daýysta án tyńdaımyz. Odan bólek gúl shoǵyn syılap jatyr. Merekelik kóńil syılaǵan jandarǵa rahmet», - deıdi Air Astana áýe komanııasynyń qyzmetkeri Tazagúl.
