Elorda áýejaıynda Túrkııadan 1 mlrd teńgeniń altynyn ákele jatqan turǵyn ustaldy
NUR-SULTAN. QazAqparat - 4 sáýirde elorda áýejaıynda Ystanbul-Nur-Sultan baǵytyndaǵy halyqaralyq áýe reısiniń jolaýshylaryna shekaralyq baqylaý júrgizý kezinde deklaratsııalanbaǵan zergerlik buıymdardy kirgizý áreketi úshin QR azamaty ustaldy, dep habarlaıdy QazAqparat.
Ulttyq qaýipsizdik qyzmetiniń málimetinshe, altyn buıymdarynyń jalpy salmaǵy 34 kg-nan asty.
Ustalǵan taýardyń aldyn ala quny 1 mıllıard teńgeden asady.
Bul jaǵdaı Qylmystyq kodekstiń 234-baby 1-bóligi (asa iri mólsherdegi ekonomıkalyq kontrabanda) boıynsha tirkeldi.
Ustalǵan azamat pen altyn buıymdar QR QMA Nur-Sultan qalasy boıynsha ekonomıkalyq tergeý departamentine tapsyrylady.
