Elorda áýejaıynda mashına órtendi
NUR-SULTAN. QazAqparat - «Nursultan Nazarbaev» áýejaıynyń avtoturaǵynda kólik órtendi, dep habarlaıdy «QazAqparat» HAA áýejaıdyń baspasóz qyzmetine silteme jasap.
«Búgin 10 saǵat 28 mınýtta elordalyq áýejaıdyń orman beldeýindegi tegin avtokólik turaǵynda jeńil avtokólikten órt shyqty. Órt sóndirý brıgadasy úsh mınýttan keıin oqıǵa ornyna keldi. Órt 10 saǵat 39 mınýtta sóndirilip bitti», - dep habarlady baspasóz qyzmeti.
Órttiń shyǵýyna janarmaı sorǵyshtaǵy qysqa tuıyqtalý sebep bolǵan. Órt kezinde kóliktiń janynda ıesi men elektrık boldy.
«Órt sóndirýge barlyǵy 2 tehnıka men áýejaıdyń órt sóndirý jáne avarııalyq-qutqarý qyzmeti jeke quramynyń 6 adamy qatysty», - dep habarlady baspasóz qyzmeti.
