Elorda áýejaıynda koronavırýspen kúres jumystary qalaı júrip jatyr
NUR-SULTAN. QazAqparat - Kólik salasyndaǵy taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Bolat Qalmaǵanbetov elorda áýejaıynda koronavırýstyń taralýyn boldyrmaý maqsatynda júrgizilip jatqan jumystar týraly aıtty, dep habarlaıdy QazAqparat tilshisi.
«Sanıtarlyq-karantındik beketterde 1 aýysymda 4 sanıtarlyq dáriger jumys isteıdi. Olardyń basty mindeti – jolaýshylardyń densaýlyǵyn tekserý. Mamandar – jolaýshylardy áýejaıǵa kirgende bir, shyqqanda ekinshi ret termometrııadan ótkizedi. Olardyń COVID-19 vırýsy boıynsha zerthanalyq anyqtamasyn qaraıdy. Biz munda koronavırýs anyqtalǵan azamat bolsa, birden ornalastyrýǵa bolatyn ýaqytsha oqshaýlaý beketin ázirlep qoıdyq», - dedi Bolat Qalmaǵanbetov áýejaıda tilshilerge bergen suhbatynda.
Onyń aıtýynsha, áýejaıdyń medıtsına qyzmetkerleri jedel járdem kelgenshe ýaqytsha oqshaýlaý beketinde koronavırýs anyqtalǵan azamatty ustaıtyn bolady.
«Áýejaı qazirgi tańda ishki qazaqstandyq reıske úlken jaýapkershilikpen qaraıdy. Áýejaıdyń ákimshiligi men tasymaldaýshylar talaptarymyzdyń bárin oryndady. Alǵashqy reıs boıynsha jumystardy júrgizemiz. Munda qyzmetkerler táýlik boıy qyzmet etedi. Nur-Sultannan ushyp shyǵatyn jolaýshylar úshin termınalǵa kireberiste jolaýshylardyń bárine sanıtarlyq-karantındik baqylaý júrgiziledi», - dedi ol.
