Elorda áýejaıynda erekshe ınstallıatsııalar qoıyldy
Áýejaıda qoıylǵan 16 ınstallıatsııanyń árqaısynyń ózindik maǵynasy bar. Jáne ol úsh tilde (qazaq, orys, aǵylshyn) jazylyp kórsetilgen.
«2015 jyly BUU sammıtinde adamzattyń 17 turaqty damý maqsaty ázirlendi. Jáne sol maqsattarǵa birge jetý úshin 193 eldiń kóshbasshylary kelisimge keldi. Onyń qatarynda ekologııalyq problemalar, klımattyń jahandyq ózgerýi, áleýmettik jáne genderlik teńsizdik, XX ǵasyrdyń aıaǵy men XXI ǵasyrdyń basynda elder, korporatsııalar men adamdar shıelenise túsken júıeli daǵdarystar men jahandyq syn-tegeýrinder taǵy sol sııaqty. Turaqty damý qorshaǵan orta men resýrstardy saqtaı otyryp, bolashaq urpaqtyń qajettilikterin qanaǵattandyrý», - dedi Ekonomıkalyq zertteýler ınstıtýty AQ Basqarma tóraǵasynyń orynbasary Baýyrjan Muqan ashylý saltanatynda.
Onyń aıtýynsha, adamzattyń turaqty damýynda 3 negizgi tepe-teńdik saqtalýy tıis, ol ekonomıkalyq ósý, áleýmettik jaýapkershilik jáne ekologııalyq tepe-teńdik.
«Turaqty damý bizdiń ómirimizdiń bir bóligi jáne ol maqsatta halyqaralyq uıymdar men elder ǵana emes árbir adam jaýapty. Bizdiń búgingi úsh jaqty yntymaqtastyǵymyz ıaǵnı Ekonomıkalyq zertteýler ınstıtýty, Qazaqstandaǵy BUU Damý daǵdarlamasy jáne Nursultan Nazarbaev halyqaralyq áýejaıynyń birlesken bul jobasy sonyń dáleli. Nazar aýdarsańyzdar, aldaryńyzda 16 ınstallıatsııa tur, al 17-shi maqsat osy turaqty damýdy júzege asyratyn ol adam ıaǵnı biz», - deıdi ol.
Uıymdastyrýshylardyń málimdeýinshe, adamdardy qorshaǵan orta problemasyna nazarǵa aýdarýǵa shaqyrǵan ıgi shara el Táýelsizdiginiń 30 jyldyǵy, Ekonomıkalyq zertteýler ınstıtýtynyń 60 jyldyǵy jáne elorda áýejaıynyń 90 jyldyǵyna arnalyp otyr.
«Biz zamanaýı jahandanýdyń ekologııaǵa zııan keltirip jatqanyna beı-jaı qaraı almaımyz. Osy oraıda máseleden tys qalmaýdy jón kórdik. Bizdiń mekemeniń ekologııalyq kodeksi bar jáne biz ony saqtaımyz. ıAǵnı qorshaǵan orta máselesin sheshýge baǵyttalǵan bastamalardy qýana qoldaımyz. Adamzattyń turaqty damýynyń maqsattaryna arnalǵan osy kórmeni bizde ótkizýge birden kelisimimizdi berdik. Osy ınstallıatsııalardy kórgen áýejaı jolaýshylary adamzattyń bolashaq damýyna degen kózqarasyn ózgertedi degen oıdamyz», - dedi Nursulan Nazarbaev halyqaralyq áýejaıy AQ Basqarma tóraǵasynyń birinshi orynbasary Dáýlet Hamzın.
