Elorda áýejaıynda boranǵa baılanysty búgin taǵy 13 reıs keıinge qaldyryldy
NUR-SULTAN. QazAqparat – Boranǵa baılanysty «Nursultan Nazarbaev» halyqaralyq áýejaıynda búgin taǵy 13 reıs keıinge qaldyryldy, dep habarlaıdy QazAqparat tilshisi.
«28 qańtar saǵat 11.00-degi jaı-kúı boıynsha, aýa-raıynyń qolaısyzdyǵyna baılanysty «Nursultan Nazarbaev» halyqaralyq áýejaıynda 19 reıs keshiktirildi. Onyń ishinde ushyp ketýi tıis reıster sany – 7 (Taraz, Taldyqorǵan, Almaty, Oral, Novosibir jáne Beıjiń qalalaryna), ushyp kelýi tıis reıster sany – 12. Sonymen qatar, 13 reıs toqtatyldy. Onyń ishinde ushyp ketýi tıis reısterdiń sany – 6, ushyp kelýi tıis reısterdiń sany – 7», - dep habarlady QazAqparat tilshisine «Nursultan Nazarbaev» halyqaralyq áýejaıynyń baspasóz qyzmetiniń ókili Jeńis Ahmetjanov 28 qańtar boıynsha ushý saparlary jaıly.
Eske sala ketsek, «Nursultan Nazarbaev» halyqaralyq áýejaıynda keshe, ıaǵnı 27 qańtarda 50 reıstiń oryndalmaı qalǵanyn jazǵan edik. Onyń ishinde 11-i – halyqaralyq baǵyttaǵy reıster bolǵan.
