Elorda áýejaıynda birqatar shekteýler qoıyldy

NUR-SULTAN. QazAqparat –Kóliktegi Bas memlekettik sanıtarlyq dárigerdiń jańa qaýlysyna oraı Nursultan Nazarbav Halyqaralyq áýejaıynda birqatar sharalar qabyldan. Búginnen bastap engizilgen shekteý sharalary týraly Nur-Sultan qalasy áýejaıynyń baspasóz hatshysy Ánýar Shálekenov baıandap berdi, dep habarlaıdy QazAqparat.

«Búginnen bastap Nursultan Nazarbaev áýejaıynyń ǵımaratyna shyǵaryp salýshylar men kútip alýshylar úshin kirýge ýaqytsha shekteý qoıylady. Turǵyndar arasynda koronavırýs ınfektsııasy taralýynyń aldyn alý maqsatynda Kóliktegi Bas memlekettik sanıtarlyq dárigerdiń qaýlysyna ózgerister men tolyqtyrýlar engizilgen. Osyǵan baılanysty joǵary qaýip aımaqtarynda, ıaǵnı «qyzyl» aımaqta ornalasqan óńirlerde temirjol vokzaldary men áýejaılarda shyǵaryp salýshylar men kútip alýshylardyń kirýine shekteý qoıylady», - dep atap ótti Á.Shálekenov.

Onyń sózine qaraǵanda, Nazarbaev áýejaıyna kelýshilerge yńǵaıly bolý úshin kireberisterde arnaıy kútý oryndary uıymdastyrylady. Al múmkindigi shekteýli jolaýshylar úshin áýejaı qyzmetkerlerinen quralǵan kezekshi toptar qyzmet kórsetedi.

«Kámelettik jasqa tolmaǵan jolaýshylardy birge ertip júrý máselesi áýe kompanııalarynyń agentteri arqyly sheshiletin bolady. Halyqtyń túsinistikpen qaraýyn suraımyz», - dedi Á.Shálekenov.

Buǵan deıin Kóliktegi Bas sanıtarlyq dárigerdiń jańa qaýlyǵa qol qoıǵany týraly habarlanǵan bolatyn.