Elorda áýejaıynda birqatar áýe reısi keıinge qaldyryldy
NUR-SULTAN. QazAqparat – Elordada aýa raıynyń qolaısyzdyǵyna baılanysty bir avıa reıs toqtatylyp, taǵy birqatar reıs qosalqy áýejaıǵa jiberilgen, dep habarlaıdy QazAqparat «Nursultan Nazarbaev halyqaralyq áýejaıy» AQ baspasóz qyzmetine silteme jasap.
«Aýa raıynyń qolaısyzdyǵyna baılanysty «Nur-Sultan-Jezqazǵan» avıareısi toqtatyldy. Saǵat 11:00-den 18:00 aralyǵyndaǵy daýyldy eskertýge baılanysty jel 12 m/s deıin kúsheıip, ekpini 17 m/s deıin jetedi dep boljanǵan. Sondaı-aq qosalqy áýejaı Almatyǵa «Shymkent-Nur-Sultan» reısi jáne №KS7342 «Q ostanaı-Nur-Sultan» reısi jiberildi», - dedi áýejaıdyń baspasóz hatshysy Ánýar Shalekenov.
Onyń aıtýynsha, jolaýshylar reıske qatysty tolyq aqparatty áýejaıdyń anyqtama bóliminen jáne áleýmettik jelidegi paraqshalarynan, sondaı-aq avıkompanııalardyń koll ortalyqtarynan anyqtap alýy qajet.
