Elorda áýejaıynda áskerı qyzmetshiler tosyn syı jasady (FOTO)
QR Qorǵanys mınıstrligi baspasóz qyzmetiniń habarlaýynsha, áskerı qyzmetshilerdiń oryndaýyndaǵy búkil álemge tanymal jańa jyldyq dástúrli Jingle Bells áni áýejaıda bolǵan adamdardy tań qaldyryp, eshkimdi beı-jaı qaldyrmady.
«Biz áskerı mýzykanttar bir jaqqa ádettegi reıspen ushyp bara jatyr dep oılap, olarǵa nazar aýdarmadyq. Alaıda, symbatty, jınaqy áskerılerdiń oryndaýynda alǵashqy akkordtyń úni shyǵa bastaǵan kezde kóńilimiz áp-sátte kóterile bastady. Merekelik jańa jyldyq emes, burqasyn jeldi, borandy aýa raıyna qaramastan, naǵyz sıqyrly sezim paıda boldy. Maǵan jáne nemereme Qorǵanys mınıstrliginiń bul tosyn syıy óte unady. Úırenshikti jaǵdaı emes, alaıda, tanys áýezdi áýenderdi estigen kezde qulaq quryshyń qanyp, kóńilge qýanysh uıalaıdy», - dep Astana qalasynyń turǵyny Galına Omarova alǵan áserimen bólisti.
Jańa jyldyq ánnen basqa, áskerı orkestrdiń mýzykanttary «My, drýzıa, pereletnye ptıtsy» atty tanymal áýendi oryndady. Bul ánge tyńdaýshylar dý qol shapalaqtap, qoshemetterin kórsetti. Ásirese, ushyp kelgen reısterdiń ushqyshtary bir marqaıyp qaldy. Áskerı orkestr mýzykanttarynyń aıtýynsha, qazaqstandyq armııa áskerı qyzmetshileriniń mundaı quttyqtaýlary dástúrge aınaldy.
«Jańa 2016 jyl qarsańynda biz QR Qorǵanys mınıstrligi men QR Qarýly Kúshteriniń áskerı qyzmetshileri atynan barsha qazaqstandyqtardy tabaldyryqty attaǵaly otyrǵan meshin jylymen quttyqtap, Sizderge myqty densaýlyq, baqyt, baq-bereke jáne elimizge tynyshtyq tileımiz», - dedi QR QK Áskerı-orkestrlik qyzmetiniń bastyǵy maıor Tımýr Jartybaev.
