Elorda áýejaıy 15 shildeden bastap qysqartylǵan jumys kestesine kóshedi
«Nur-Sultan qalasynyń áýejaıynda 2022 jylǵy 15 shilde men 8 tamyz aralyǵynda jergilikti ýaqyt boıynsha 11:00-den 18:00-ge deıin ushyp-qoný jolaǵyna jóndeý jumystaryn júrgizý josparlanyp otyr. Osyǵan baılanysty áýejaıdyń jumys reglamenti ózgeredi. Jóndeý jumysy ushý qaýipsizdigin qamtamasyz etý maqsatynda jyl saıyn júrgiziledi. Ol týraly sheshim bıyl aqpan aıynda qabyldandy. Sonymen qatar qysqartylǵan jumys kestesi týraly aqparat áýe kompanııalarǵa ýaqtyly jiberildi», - delingen resmı aqparatta.
Sondaı-aq, habarlamada áýe kompanııalardyń qysqartylǵan jumys rejımine sáıkes reıster kestesine ózgerister engizilgeni aıtylǵan.
«Áýejaıdyń jumys tártibin ózgertý - álemdik tájirıbe. Atalǵan protsess álemdegi barlyq áýejaıǵa tán», - dep habarlaıdy baspasóz qyzmeti.
