Elorda áýejaıynyń múmkindigi qanshalyqty artty
ASTANA. KAZINFORM — Elorda áýejaıynan 48 baǵytta shetelge ushaq arqyly saparlaýǵa bolady. Bul týraly BIZDIÑ ORTA podkastynda «Nursultan Nazarbaev halyqaralyq áýejaıy» AQ Basqarma tóraǵasy Beken Seıdahmetov málim etti.
- 1997 jyly qaladaǵy áýejaı 65 jolaýshyǵa qyzmet kórsetken. 1998 jyly bul kórsetkish 130 myńǵa jetti. 2025 jyldyń qorytyndysy boıynsha 9 mln 200 myń jolaýshyǵa qyzmet kórsettik, ıaǵnı olar ushyp kelgen jáne bizdiń áýejaı arqyly saparmen shyqqandar. Bul rette, 70 ese ósim boldy, - dedi Beken Seıdahmetov.
Osy oraıda ol qazirgi kezde Qazaqstan barlyq baǵytta qarym-qatynasty damytyp jatqanyn eske saldy.
- Jastar da, týrıster de óz múmkindigine qaraı álem elderine emin-erkin saparlaı alady. Biraz memleketpen kelisimsharttar bekitildi. Búginde 56 elmen shartqa qol qoıylǵan. Sonyń arasynda 30 memleketpen tikeleı áýe qarym-qatynasy bar. Qazir 48 baǵytta shetelge ushaqtar shyǵyp jatyr. Al Almaty áýejaıy 63 baǵytty qamtyp otyr. Máselen, kelisimshart aıasynda aptasyna bizde 370 reıs, Almatyda 470 reıs belgilengen, - dedi basqarma tóraǵasy.
Eske salsaq, Astanada jańa áýejaıdyń qurylysy kelesi jyly bastalady.
