Elorda aýdandarynyń ákimderi soǵys ardagerlerine qurmet kórsetedi

ASTANA. QazAqparat - Búgin, 29 jeltoqsanda, dúısenbi kúni Astana qalasyndaǵy Almaty, Saryarqa jáne Esil aýdandarynyń ákimderi Uly Otan soǵysynyń ardagerlerine qurmet kórsetip, QR Prezıdentiniń atynan quttyqtaýlar jáne merekelik syılyqtar tapsyrady. Bul týraly Astana qalasy ákimdiginiń baspasóz qyzmetine silteme jasap, «Báıterek» halyqaralyq medıaortalyǵy habarlady.

Jańa jyl qarsańynda Elbasy Nursultan Nazarbaevtyń bastamasymen Qazaqstanda ardagerlerdi qoldaýdyń Jalpyulttyq aktsııasy ótýde. Bul biregeı shara jáne TMD-nyń birde-bir elinde teńdesi joq. Aktsııa aýqymynda respýblıkanyń barlyq oblystarynyń, qalalardyń jáne aýdandardyń ákimderi ardagerlerge arnaıy baryp, Memleket basshysynyń atynan kele jatqan merekemen quttyqtap, jańajyldyq syılyqtar tapsyrýda. Sóıtip, respýblıkamyzda turatyn Uly Otan soǵysynyń 5 115 qatysýshysynyń árqaısysy Prezıdenttiń ataýly quttyqtaýyna ıe bolady.