Elorda ataýyn aýystyrýǵa qosymsha qarjy shyǵyndalmaıdy - Álıhan Smaıylov
Bul týraly búgin Úkimet otyrysynan keıingi baspasóz máslıhatynda QR Premer-Mınıstriniń birinshi orynbasary - Qarjy mınıstri Álıhan Smaıylov aıtty, dep habarlaıdy QazAqparat tilshisi.
«Taıaýda elordamyzdy Nur-Sultan qalasy dep qaıta ataý týraly Zań qabyldandy. Osyǵan oraı respýblıkalyq ne bolmasa jergilikti bıýdjetterden qandaı da bir qosymsha aqsha qarastyrylyp otyrǵan joq. Ortalyq memlekettik organdarǵa qatysty aıtar bolsam, Nur-Sultan qalasy aýmaǵynda ornalasqan barlyq ǵımarattardyń mańdaısha jazýlaryn aýystyrý úshin aǵymdaǵy qarjylandyrý aıasyndaǵy, ıaǵnı, memlekettik organdardy jyl saıyn kútip ustaýǵa bólinetin qarajat qajet etiledi», - dedi ol.
Sonymen qatar ol memlekettik organdardyń qujattamalaryn aýystyrýǵa da qosymsha qarajattyń qajet emestigin basa aıtty. Oǵan elektrondy qujat aınalymy múmkindik berip otyr.
«Memlekettik organdardyń elektrondy qujat aınalymǵa kóshkenin eskerý qajet. Sondyqtan blankter basyp shyǵarýǵa qandaı da bir aıtarlyqtaı shyǵys qajet emes. Bul shyǵystar jyl saıyn bólinetin qarajat sheginde júzege asyrylady. Normatıvtik-quqyqtyq aktilerge de qosymsha shyǵystyń esh qajeti joq», - dedi mınıstr.
Onyń atap ótýinshe, qala kóshelerindegi mańdaısha jazýlar negizgi kóshelerden bastalyp, birtindep aýystyrylatyn bolady.
«Keshe qala ákimimen sóılestim. Ol tolyqtaı alǵanda qaladaǵy eskirgen mańdaısha jazýshalary men jol silteme taqtaıshalardy aýystyrýǵa jergilikti bıýdjetten 40 mln teńge jyl saıyn qarastyrylatyndyǵyn aıtty. ıAǵnı, bul aǵymdyq shyǵystar. Onyń aıasynda atalǵan mańdaısha jazýshalary men jol silteme taqtaıshylardy birtindep aýystyrý josparlanǵan. Qalaǵa kire beristegi negizgilerinen bastalyp, odan keıin birtindep ózge qajetti jerlerde aýystyrylady. Olar qandaı da bir qosymsha qarajat bólýdi josparlap otyrǵan joq», - dedi Á.Smaıylov.
