Elorda ataýy ózgergen soń eski qujattarǵa bıýrokratııalyq kedergi bolmasyn - Toqaev
NUR-SULTAN. QazAqparat - Memleket basshysy óńir ákimderiniń qatysýymen ótken keńeste Úkimet músheleriniń baıandamalaryn talqylaý barysynda el astanasy men qala kóshelerine Nursultan Nazarbaevtyń esimin berý Elbasynyń Táýelsiz Qazaqstannyń negizin qalaýshy retindegi eńbegin aıshyqtaıtyn tarıhı oqıǵa dep baǵalady. Bul týraly Aqordanyń baspasóz qyzmeti habarlaıdy.
Osyǵan baılanysty, Prezıdent elorda ákimine barlyq múddeli qyzmetter men vedomstvolardyń astanany qaıta ataýyna baılanysty jumysyn retteýdi tapsyrdy.
Odan bólek, Úkimetke elektrondyq jáne týrıstik vızalarǵa qatysty normatıvtik-quqyqtyq aktilerge qajetti túzetýler engizý tapsyryldy.
Sonymen birge, Prezıdent atap ótkendeı, Іshki ister, Syrtqy ister mınıstrlikteri men UQK Shekara qyzmeti elorda ataýynyń ózgerýine baılanysty burynǵy qujattardyń merzimi aıaqtalǵansha esh bıýrokratııalyq kedergi keltirmeýleri tıis.
