Elorda arýy baıqaýynda 20 boıjetken baq synaıdy
ASTANA. QazAqparat - Astananyń eń sulý arýy baıqaýyna elordadaǵy oqý oryndarynan 20 boıjetken qatysady.
«Prima Vera» modeldik agenttigiAstana qalasynyń ákimdiginiń qoldaýymen «Astana arýy-2016» sán baıqaýyn uıymdastyrýda.
27 qazanynda Astana Music Hall kesheninde estrada juldyzdarynyń qatysýymen baıqaýdyń aqtyq syny ótkiziledi, sol kúni jeńimpazdar marapattalady. Baıqaýdyń júlde qory - 1 mln teńge.
«Astana arýy-2016» atanǵan boıjetken «Qazaqstan arýy» ulttyq baıqaýynyń qorytyndy básekesine qatysady. Mádenı sharaǵa qalanyń sán áleminiń ókilderi, kásipkerler, qala ákimshiligi jáne baıqaýdyń ár túrli seriktesteri qatysady.
Bul baıqaý jastar arasyndaǵy otbasylyq qundylyqtardy tanytýǵa baǵyttalǵan, sondaı-aq jas qyzdar arasyndaǵy qoǵamdyq ómirge belsendi aralasýdy jáne salaýatty ómir saltyn damytýǵa múmkindik beredi.
