Elorda apta boıy jańbyrly bolýy yqtımal
ASTANA. 15 shilde. QazAqparat - Taıaý kúnderde Astanada jańbyrly aýa raıy saqtalyp, temperatýra tómendeýi yqtımal.
Sınoptıkterdiń boljamy boıynsha, aýa raıy qubylmaly bolyp, qysqa merzimdi jańbyr jaýady. Temperatýra túnde +12-den +17°C, kúndiz +20-dan +25°C-qa deıin jetedi. Bul týraly astana.kz saıtyna «Qazgıdromet» RMK málim etti.
«Astanada dúısenbide kún bulttanyp, jabyr jaýyp, kún kúrkireýi múmkin. Ońtústik-batystan soqqan jeldiń ekpini 9-14, keı jerlerde 18 m/s deıin jetedi. Temperatýra túnde +15+17°C, kúndiz +23+25°C shamasynda»,- dep habarlaıdy sınoptıkter.
Elordada seısenbi, sársenbi jáne beısenbi kúnderi aýa raıy esh ózgermeıdi: Ońtústik batystan soqqan jeldiń ekpini 9-14, keı jerlerde 18 m/s deıin jetip, temperatýra túnde +8 +11°C, kúndiz +18 +22°C shamasynda bolady.
Sınoptıkterdiń boljamy boıynsha, tutastaı alǵanda, bas qalada aptanyń sońyna deıin jańbyrly bolyp, kún kúrkirep, álsin-álsin kúshti jel turýy yqtımal.
