Elorda apattan zardap shekken Kókpekti aýylyna gýmanıtarlyq kómek jóneltedi
Sonyń ishinde Astana qalasynyń ákimdigi alǵashqylardyń biri bolyp kómek qolyn sozyp, sý tasqynynan zardap shekkenderden qajetti taýarlar tizimin suratqan bolatyn. Osyǵan oraı, aldaǵy ýaqytta 20 tonnadan astam taýarlar elordadan Kókpektige jóneltilmek. Bul týraly Astana qalasy ákimi apparatynyń baspasóz qyzmetinen habarlandy.
«Tasqynnyń saldaryn joıýǵa myńnan astam adam jumyldyrylǵany belgili. Qazirgi ýaqytta 102 úıdiń sýy sorylyp, 40 úı men aýla tazartyldy. Búgingi tańda tabıǵat apatynan japa shekken qaraǵandylyqtarǵa Astanadan birinshi kezektegi asa qajetti taýarlar jóneltilgeli otyr. Taýarlar ishinde kıim-keshektermen qosa, kúndelikti qajetti zattar jıyntyǵy, sondaı-aq jylytqysh jabdyqtar bar», - delingen baspasóz baıanynda.
Habarlamaǵa qaraǵanda, aýyl turǵyndarynyń kókónis qorlaryn saqtaǵan jertóleleri men jerqoımalaryn sý basqandyqtan, Astanadan aldaǵy ýaqytta kartop, pııaz, qyryqqabat, sábiz sekildi taýarlar men azyq-túlikter jóneltilmek.