Elorda ákimdigi 38 jer ýchaskesin 1 mlrd teńgege satyp alady

ASTANA. KAZINFORM — Astana qalalyq máslıhatynyń kezekten tys sessııasynda depýtattar memleket qajettiligine 38 jer ýchaskesin satyp alý shartyn maquldady. 

— Astana qalalyq turǵyn úı jáne turǵyn úı ınspektsııasy basqarmasy Astana qalalyq máslıhatynyń qaraýyna 1 mlrd 33 mln teńge somasynda jalpy aýdany 14 gektar bolatyn 6 nysan boıynsha 38 jer ýchaskesin satyp alý týraly shart jobasyn usynady. Jer ýchaskelerin satyp alý kelesi qurylys nysandary úshin júzege asyrylady.

Birinshi — «Slobodka» aýdanynan Qorǵaljyń tas joly boıyndaǵy qoldanystaǵy kollektor oıymyna deıin káriz kollektoryn tóseý úshin dáliz.

Ekinshi — Qorǵaljyń tas joly aýdanynda jylýmen jabdyqtaý magıstraldy jelisi.

Úshinshi — Kereı-Jánibek handar men Oral kósheleriniń qıylysy aýdanynda Joǵary aýdıtorlyq palata ǵımaraty.

Tórtinshi — Toqpanov kóshesi aýdanynda mektep.

Besinshi — IP-8 kóshesinen A-234 kóshesine deıingi ýchaskede elektr tartý jelisi dálizi.

Altynshy — Astana-Qaraǵandy tas joly aýdanynda logıstıkalyq park, — dedi Astana qalalyq turǵyn úı jáne turǵyn úı ınspektsııasy basqarmasynyń basshysy Anýar Saıpov.

Onyń atap ótýinshe, jer ýchaskeleriniń ıeleri ótemaqy somasyn bildi. Osy rette depýtattar basqarma usynysty qoldap daýys berdi.

Aıta keteıik, búgingi kezekten tys sessııa barysynda 2 depýtattyń ókilettigi merziminen buryn toqtatyldy.