Elorda ákiminiń birinshi orynbasary S.Horoshýn TJM medalimen marapattaldy
ASTANA. 30 tamyz. QazAqparat - QR Konstıtýtsııa kúni qarsańynda elimizdiń Tótenshe jaǵdaılar vıtse-mınıstri Valerıı Petrov Astana qalasy ákiminiń birinshi orynbasaryna medal tabys etti. Bul týraly astana.kz saıtyna qalalyq TJD baspasóz qyzmetinen habarlady.
«QR Konstıtýtsııa kúni qarsańynda TJ vıtse-mınıstri V.Petrov QR TJM basshysynyń atynan elorda ákiminiń birinshi orynbasary S.Horoshýnǵa Qazaqstan Respýblıkasy tótenshe jaǵdaılardyń aldyn-alý jáne joıý memlekettik júıesiniń damýyna qosqan úlesi úshin «Tótenshe jaǵdaılar júıesin damytýǵa qosqan úlesi úshin» tósbelgisin tabys etti»,- dep habarlady vedomstvodan.
Sergeı Mıhaılovıch Horoshýn Soltústik Qazaqstan oblysynda týyp-ósken. Tselınograd ınjenerlik-tehnıkalyq ınstıtýtyn támamdaǵan. 2006 jyldan bastap Astana qalasy ákiminiń birinshi orynbasary qyzmetin atqarady. Qalany damytý men qurylys júrgizý, qalanyń sáýlettik beınesin qalyptastyrý, baspana qurylysyn damytý jáne sáýlet-qurylys baqylaýyn uıymdastyrý máseleleri boıynsha shahar basshysynyń tapsyrmalary men aktilerin júzege asyrýdy qamtamasyz etedi.
