Elorda ákimi joǵary voltty kabel urlamaq bolǵandardy ustaǵan áskerılerdi quttyqtady
NUR-SULTAN. QazAqparat - Áskerı polıtsııa qyzmetkerleri Nur-Sultan qalasynda joǵary voltty kabeldi urlaýdyń aldyn aldy, dep habarlaıdy Qorǵanys mınıstrliginiń baspasóz qyzmetine silteme jasap.
Nur-sultan qalasynyń ákimi Altaı Kólginov, qala kóshelerin Іshki ister organdarynyń qyzmetkerlerimen birlesken patrýldeý barysynda joǵary voltty kabel urlaýǵa áreket jasaǵan tórt adamdy ustaýǵa áskerı polıtsııa qyzmetkerlerine alǵys hat tabystady.
Oqıǵa 21 jeltoqsan 2019 jyly tańǵy saǵat 6-da oryn aldy. Patrýldeý baǵytynda áskerı polıtsııanyń aǵa leıtenanty Aıdos Sádýov kúdikti adamdar tobyn baıqaǵan. Eki adam jol boıynda turǵan «Gazel» markaly avtokóligine qaraı barsa, eki adam shahtadan joǵary voltty kabeldi jetkizdi, ol keıinnen joǵaryda atalǵan avtokólikke tıeldi.
Áskerı qyzmetshi jaǵdaıdy baqylaı otyryp, áskerı avtomobıl polıtsııasynyń júrgizýshisi serjant Jandos Shaımardınovqa «Gazeldi» buǵattaýǵa komanda berdi, al ózi urylardy júgirtip ustaýdy júrgizdi. Áskerı qyzmetshi 102 patrýldi shaqyrtyp, odan keıin kúdiktiler Almaty aýdandyq polıtsııa bólimine jetkizildi.
Esterińizge sala keteıik, Qazaqstannyń birneshe óńirinde quqyq tártibin qamtamasyz etý jáne quqyq buzýshylyqtardyń jolyn kesý maqsatynda áskerı polıtsııa organdary, áskerı qyzmetshiler men QR Іshki ister mınıstrliginiń bólimsheleri birlesip patrýldeý uıymdastyrylǵan. Patrýldeý baǵyttary krımınogendik jaǵdaıdy, áskerı bólimderdiń, kóńil kóterý oryndarynyń ornalasý oryndaryn, sondaı-aq áskerı qyzmetshiler men olardyń otbasy músheleri jınaqy turatyn aýdandardy eskere otyryp ázirlendi.
