Elorda ákimi jarty jylda 700-den astam turǵyndy jeke qabyldady
NUR-SULTAN. QazAqparat - Elorda ákimi Altaı Kólginov kezekti jeke qabyldaý ótkizdi, dep habarlaıdy QazAqparat elorda ákimdiginiń baspasóz qyzmetine silteme jasap.
Baspasóz qyzmetiniń málimetterine qaraǵanda, turǵyndar kezdesý barysynda turǵyn úı baǵdarlamalaryna qatysý, medıtsınalyq kómek kórsetý, jumysqa ornalasý, bilim alý, erekshe qajettilikteri bar balalardy ońaltý jáne t. b. máselelerdi kóterdi. Prezıdenttiń «halyq únine qulaq asatyn memleket» tujyrymdamasyna kóshý men keri baılanysty nyǵaıtý boıynsha tapsyrmasyn júzege asyrý maqsatynda ákimdik turaqty negizde turǵyndarmen kezdesýler ótkizedi. Sondaı-aq halyqpen «ashyq mıkrofon» formatynda kezdesýler ótedi.
«Jeke qabyldaýda shahmat boıynsha álem chempıony boldy. Elorda ákimi Altaı Kólginov shahmat federatsııasyna qoldaý kórsetetinin aıtty. Jarty jylda qala ákimi Altaı Kólginov 700 - den astam adamdy jeke qabyldasa, ákimniń orynbasarlary 2,5 myńnan astam adamdy qabyldady. Al aýdan ákimderi 8 myńnan astam adamdy qabyldady. Suraqtardyń basym bóligi sheshildi, qalǵandary jumysqa alyndy. Azamattardy qabyldaý »Januıa« otbasy ınstıtýtyn qoldaý ortalyǵynda ótedi. Onda »bir tereze« qaǵıdaty boıynsha mamandar 70-ten astam qyzmet kórsetedi. Ashylǵan sátten bastap (26.08.2019 j.) 14,8 myń suraqpen 7 myńǵa jýyq adam ortalyqqa júgindi. 11,5 myńnan astam keńes berildi, 3.5 myńnan astam másele sol jerde sheshildi»,-delingen habarlamada.
