Elorda ákimi ýchaskelik ınspektorlarǵa jańa 25 kóliktiń kiltterin tabys etti
ASTANA. 22 maýsym. QazAqparat - Elorda ákimi Imanǵalı Tasmaǵambetov búgin Qazaqstan polıtsııasynyń 20 jyldyǵy qarsańynda qalalyq ishki ister departamentiniń qyzmetkerlerine Ssang Yong Kyron markaly djıpterdiń kiltterin tabys etti.
Polıtsııa qyzmetkerlerine tól merekeleri qarsańynda 25 kóliktiń kilti tabys etilip otyrǵandyǵyn atap ótken elorda basshysy: «Munyń bári endigi ýaqytta halyqtyń ıgiligine jumys isteýi kerek. Jalpy, polıtsııa qyzmetkerleriniń ıyǵyna artylǵan júk óte aýyr. Sondyqtan barlyq jaǵdaı jasalýy kerek dep esepteımin. Mine, sondyqtan da búgin osyndaı azdaǵan kómek jasalyp jatyr. Árıne, bul Astananyń tynyshtyǵyna, eldiń tynys-tirshiliginiń jaıly bolýyna ózindik septigin tıgizedi dep oılaımyn», - dedi BAQ ókilderine.
Al Astana qalalyq ishki ister departamenti basshysynyń orynbasary Qaırat Muhıtovtiń aıtýynsha, elordada 25 polıtsııa bólimshesi bar. Solardyń árqaısysyna bir-birden kólik berilip otyr. Aldaǵy ýaqytta atalǵan kólikter ishki ister organdarynyń málimetter bazasyna shyǵýǵa múmkindik beretin bort kompıýterlermen, beınetirkeýshilermen jaraqtandyrylady. Sondaı-aq olarǵa qalalyq telefon baılanysy, GPS spýtnıktik júıesimen jabdyqtalǵan radıostansy ornatylatyn bolady.
Barlyq djıpter Qazaqstanda shyǵarylǵan. Olardyń ortaq quny 99,8 mln. teńgeni quraıdy.
