Elorda ákimi turǵyn úı alaptarynyń jaǵdaıymen tanysty

NUR-SULTAN. QazAqparat - Astana ákimi Altaı Kólginov tórt turǵyn úı massıviniń turǵyndarymen kezdesti, dep habarlaıdy QazAqparat ákimdik saıtyna jasap.

Turǵyndar ortalyq jylýdyń, sýdyń, káriz júıesiniń jáne balalarǵa arnalǵan bilim berý ortalyqtarynyń joqtyǵyn aıtty.

«Kırpıchnyı» turǵyn úı alabynyń turǵyndary aýyz sýdyń joq ekenin aıtady. Sý kolonkasynda úlken kezek paıda bolady. Qamysty aýdanynyń Kvartalnaıa kóshesinde ornalasqan 6-úı 12 jyl buryn apatty dep tanyldy, alaıda ondaǵy 5 otbasy áli kóshirilgen joq.

Aýmaqta sılıkat kirpish óndiretin zaýyttyń jumysyna baılanysty jaǵymsyz ıis jıi paıda bolady. Nóserlik kárizderdiń ortalyq jelilerin barlyq 15 kóshe boıynsha júrgizý qajet.

«Promyshlennyı» (Sılıkat) turǵyn úı massıviniń turǵyndary eski úılerdi buzý baǵdarlamasy boıynsha óz kezegin kútýde. Serikpaev kóshesinde ornalasqan 14-úı byltyr apatty dep tanylǵan. Úıdiń qabyrǵasy, tóbesi jáne edeni qulaǵan. Qaýipti jaǵdaıda 15 otbasy turady (3 otbasy basqa aýdannan páter alyp jatyr). Jospar boıynsha, osy jyldyń kúzinde olardyń jańa TK-ǵa kóshiredi.

«Mıchýrın» turǵyn úı alabynda 2 400-den astam adam turady.

«Barlyǵymyz jergilikti turǵyndarmyz, osy jerde týyp óstik. Bizdiń aýdanda balalarǵa arnalǵan mádenı-demalys ortalyqtaryn ashýdy suraımyz. Jaz boıy olar kóshede, al kúzde, qysta sýyq bolady, olarǵa úıirmeler qajet. Jaryqtandyrýmen aınalysý qajet, »jyldamdyq báseńdetkishterin« tóseý kerek», - dedi «Mıchýrın»turǵyn úı alabynyń turǵyndary. «Kúıgenjar»turǵyn úı alabynyń turǵyndary da osyndaı máseleler boıynsha shaǵymdandy.

Qala ákimi turǵyn úı massıvteriniń máseleleri 3 negizgi bloktarǵa bólingenin atap ótti: jol jáne ınjenerlik ınfraqurylym, áleýmettik nysandardyń tapshylyǵy jáne abattandyrý máseleleri.

«Biz turǵyn úı massıvteriniń turǵyndarymen kezdesip, aýmaqty zertteımiz. Barlyq problemalyq máselelerdi bir kúnde sheshý múmkin emes. Aldymen úıge aýyz sý júrgizý, aıaldamalar ornatý, jolǵa qosymsha avtobýstar bólý sııaqty birinshi kezektegi máselelerdi sheshemiz. Qoǵamdyq keńeste turǵyn úı massıvteriniń máselelerin qarastyramyz,úsh jyldyq bıýdjet jobasyna túzetýler engizemiz. Josparǵa sáıkes jumys jasaıtyn bolamyz», - dedi A. Kólginov.

Elorda ákimi 280 myńnan astam adam turatyn 16 turǵyn úı alabynda boldy.