Elorda ákimi sabaqtyń bolmaıtyny jaıynda qaıdan bilýge bolatynyn aıtyp berdi
ASTANA. QazAqparat - Astana qalasynyń ákimi Áset Isekeshev aýa raıynyń qolaısyzdyǵyna baılanysty mektepte sabaqtyń bolý-bolmaýyna qatysty aqparatty qaıdan alýǵa bolatynyn aıtyp berdi, dep habarlaıdy QazAqparat. Bul týraly ákim Feısbýktegi paraqshasynda jazdy.
Qazgıdromettiń aqparaty boıynsha, túnde taǵy da qar jaýyp, sekýndyna 15 metrge deıin jel bolýy múmkin. Mamandar tańerteń jeldiń kúshi azaıyp, aýa temperatýrasy 15 gradýsqa deıin tómendeıdi dep otyr.
«Erteń, tańǵy 6.00 den bastap ádettegi algorıtm boıynsha sabaqtyń bolý ne bolmaýy boıynsha xabar taratylatyn bolady. Olardy myna siltemeler arqyly - 109 (tegin mobıldi qosymshasy), www.bilim.astana.kz saıtynan, synyp jetekshisinen ne mektep ákimshiliginen, Smart Astana qosymshasy arqyly bilýge bolady», - dep jazdy Á.Isekeshev.
Eske sala ketsek, buǵan deıin ákimdiktiń baspasóz qyzmeti, ǵalamtorda 12 qańtar kúni sabaq bolmaıdy degen aqparatty joqqa shyǵarǵan edi.
