Elorda ákimi órt qaýipsizdigi erejelerin saqtaýǵa shaqyrdy
NUR-SULTAN. QazAqparat - Altaı Kólginov TJM mınıstri ıÝrıı Ilınmen órt qaýipsizdigi sharalarynyń saqtalýyn baqylaýdy kúsheıtý máselesin talqylady. Bul týraly Nur-Sultan ákimi óziniń «Instagram» paraqshasynda jazdy, dep habarlaıdy QazAqparat Nur-Sultan qalasy ákimdiginiń resmı saıtyna silteme jasap.
«Búgin TJM mınıstri ıÝrıı Ilınmen órt qaýipsizdigi sharalarynyń, pesh jabdyqtary men gaz ballondaryn paıdalaný qaǵıdalarynyń saqtalýyn baqylaýdy kúsheıtý talqylandy. Sondaı-aq, elordalyq Tótenshe jaǵdaı departamentin materıaldyq-tehnıkalyq jabdyqtaý máseleleri talqylandy.
Qalada órt qaýipsizdigi aılyǵy aıasynda 16 myńnan astam úı tekserildi, onyń ishinde jeke turǵyn úı sektorynda 5 myńǵa jýyq zańbuzýshylyq anyqtalyp, baqylaýǵa alyndy.
Gaz ballondaryn paıdalanylatyn obektilerdi jospardan tys tekserý úshin vedomstvoaralyq komıssııa quryldy. Top músheleri gaz ballondaryn qaýipsiz ári durys paıdalaný boıynsha nusqama ótkizedi. 2,5 apta ishinde mamandar 100 nysandy tekserdi. Bul gaz ballondaryn paıdalanýdy buzǵan jaǵdaıda halyqtyń ómiri men densaýlyǵyna yqtımal qaýip tóndiretin obektiler. Atalǵan jumys tobyna TJD, PD, turǵyn úı ınspektsııasynyń, aýdandyq ákimdikterdiń, ónerkásiptik qaýipsizdik departamentiniń jáne t. b. ókilderi kiredi.
Turǵyndar da, kásipkerler de barlyq qaýipsizdik erejelerin saqtaýy kerek. Adamdardyń ómiri men densaýlyǵyna eshteńe qaýip tóndirmeýi kerek», - dep jazdy Altaı Kólginov.
