Elorda ákimi meshittiń qurylys barysymen tanysty
NUR-SULTAN. QazAqparat - Elorda ákimi Altaı Kólginov Qabanbaı batyr men Máńgilik El dańǵyldarynyń arasynda ornalasqan meshittiń qurylys barysymen tanysty, dep habarlaıdy QazAqparat qala ákimdiginiń resmı saıtyna silteme jasap.
Respýblıka men Ortalyq Azııadaǵy eń úlken meshittiń qurylysy QR Tuńǵysh Prezıdenti - Elbasy Nursultan Nazarbaevtyń tapsyrmasyna sáıkes júrgizilip jatyr. Meshit túrik kompanııasynyń demeýshiligimen salynyp, 30 myń adamǵa eseptelgen. Meshit munaralary 130 metr, al basty kúmbezdiń bıiktigi 88,2 metrden asady. Qala ákimdigi meshitke ınjenerlik jeliler men kommýnıkatsııalardy jobalaý jumystaryn júrgizip jatyr.
