Elorda ákimi kommýnaldyq qyzmetterdiń qysqa daıyndyǵyn tekserdi

NUR-SULTAN. QazAqparat - Altaı Kólginov elordanyń tórt aýdanyndaǵy kommýnaldyq qyzmetterdiń qysqa daıyndyǵyn tekserip, qyzmetkerlermen áńgimelesti, dep habarlaıdy qalalyq ákimdiktiń baspasóz qyzmeti.

Joldar men kóshelerdi tazalaýǵa 2 myńǵa jýyq tehnıka men 3,5 myń qyzmetker jumyldyrylady. A. Kólginov áleýmettik nysandarǵa kiretin joldardy, trotýarlardy, aıaldamalardy tazalaýǵa erekshe nazar aýdarý qajettigin atap ótti.

Sondaı-aq, páter ıeleri kooperatıvterimen birlesip aýlalardy tazalaý jumystaryn kúsheıtý qajet. Qum-tuz qospasyn daıyndaý jumystary júrgizilýde.

Elorda ákimi qyzmetkerlerge jaǵdaı jasaý kerektigin atap ótti. Máselen, jalaqyny ýaqytyly tóleý, ystyq tamaq uıymdastyrý, tehnıkany jańartý.

Qosymsha 100-den astam tehnıka satyp alý josparlanýda. Arnaıy tehnıkany satyp alý «Astanaenergoservıs» aktsıonerlik qoǵamynyń únemdelgen qarajaty esebinen júzege asyrylady.

A. Kólginov qyzmetkerlerge ıgi eńbekteri úshin alǵysyn bildirdi. Jumysshylardyń kúndelikti eńbegi nátıjesinde qalamyz taza ári jaıly.