Elorda ákimi qalanyń káriz júıleriniń jumysyn tekserdi

NUR-SULTAN. QazAqparat - Bıyl jazda B. Momyshuly dańǵylynda sý basý máselesi sheshiledi. Dańǵylda jaýyn sýy júretin kanalızatsııasynyń magıstraldy kollektorynyń qurylysy bastaldy, dep habarlaıdy elorda ákimdiginiń resmı saıty.

Elorda ákimi qalany keshkilik aralaý barysynda júrgizilip jatqan káriz júıeleriniń jóndeý jumystarymen tanysty.

Jaýyn sýy káriziniń uzyndyǵy — 500 metr (Daýylpaz kóshesinen Elim-aı kóshesine deıin, B. Momyshuly dańǵyly arqyly ótedi). Kólik júrgizýshilerine qozǵalys ishinara shekteldi. 15 mamyrda jóndeý jumystaryna baılanysty qozǵalys tolyǵymen jabylady (10 kúnge). Qurylys jumystary bıyl jazda aıaqtalady. Ýchaskeni sý basý máselesi tolyq sheshiledi – «Qaıyqpen júretindeı sý tasqyny bolmaıdy».

Memleket basshysy nóserli jańbyr sý jınalýynyń aldyn alý úshin kárizderdi salý jumystarynyń qarqynyn arttyrýdy tapsyrdy. «Jastar» shaǵyn aýdanyndaǵy jańa qurylystardyń qýaty táýligine 42 myń tekshe metrden asady. Bul káriz júıeleriniń ótkizý qabiletin aıtarlyqtaı jaqsartýǵa múmkindik beredi: bógetsiz jınaýdy, jerústi aǵyndaryn burýdy jáne tazartýdy qamtamasyz etedi. Tazartý qurylǵylary Tashenov, Baraev, Ýálıhanov, Imanbaev jáne Respýblıka dańǵyldarynyń jańbyr sýynyń aldyn alýǵa múmkindik beredi. Tazartý qurylǵylary jer astynda ornalasqandyqtan, qurylǵy ústindegi aýmaqta abattandyrý jumystaryn júrgizý, shaǵyn sáýlet nysandaryn ornatý qarastyrylǵan.

Qurylys jumystaryn 2021 jyly aıaqtaý josparlanyp otyr. 2019 jyly Myńjyldyq alleıasy aýmaǵynda eki ýchaskedegi káriz júıesine qatysty másele sheshildi.