Elorda ákimi qalanyń 5 mektebiniń jańa oqý jylyna daıyndyǵyn tekserdi
NUR-SULTAN. QazAqparat – Elorda ákimi Altaı Kólginov qalanyń 5 mektebiniń jańa oqý jylyna daıyndyǵyn tekserdi, dep habarlaıdy Nur-Sultan ákimdiginiń baspasóz qyzmeti.
Ákim teksergen oqý oryndarynda jóndeý jáne mektep aýmaǵyn abattandyrý jumystary aıaqtaldy. Osylaısha, №10 mektep-lıtseıinde erekshe jaǵdaıdy qajet etetin ballarǵa arnalyp, dybys jazatyn stýdııa ashyldy. Onda ustazdar arnaıy qurylǵylar men aýdıomaterıaldardyń kómegimen mektep sabaqtaryn túsindiretin bolady. Bul mektepte 300 mektep oqýshysy ınklıýzıvti bilim berýmen qamtamasyz etilgen. №61 orta mektepte oqý ornyn ortalyqtandyrylǵan jylý júıesine qosý jumystary júrip jatyr.
Elorda ákimi Altaı Kólginov barlyq oqý oryndary jańa oqý jylyna daıyn bolý qajettigin eskertti. Barlyǵy elordanyń 8 oqý ornynda kúrdeli jóndeý jumystary júrgizilip, 26 mektepte aǵymdaǵy jóndeý júrgizildi. Kelesi jyly kúrdeli jóndeý 14 oqý ornynda júrgiziletin bolady.
