Elorda ákimi «Astana tańdaýy» baıqaýynyń jeńimpazdaryna syılyqtar tabys etti

Joba Astana turǵyndarynyń ishinen shynaıy keıipkerlerdi tańdap, olardy elimizge tanytý maqsatyn kózdedi. Úzdikter bes sanat boıynsha irikteldi. ıAǵnı, qoǵamda mańyzdy oryn alatyn tórt kásiptiń ıeleri - dáriger, muǵalim, ýchaskelik ınspektor men qoǵamdyq kólik júrgizýshisi, sondaı-aq, adamgershilik qasıeti erekshe kez kelgen azamat. Astananyń árbir turǵyny ózi úshin ómirlik úlgige aınalǵan jandy bul saıysqa keıipker retinde usynýyna boldy. Erekshe tulǵa jaıly onyń áriptesteri, jaqyndary men dostary, sonymen birge joǵary kásibıligi men adamı qarym-qatynasyna kúá bolǵandar áńgime jazyp jibere aldy. Baıqaý jeńimpazdary Astana qalasynyń Ákimdigi saıtyndaǵy daýys berý nátıjesinde anyqtaldy.

Sonymen «Dáriger» atalymynda gınekolog Vladımır Kalashnıkov,  «Muǵalim» atalymynda № 10 mektep gımnazııasynyń bastaýysh synyp oqytýshysy Marııa Shoqybasova, «Ýchaskelik ınspektor» atalymynda №24 polıtsııa ýchaskesiniń ınspektory Petr Flıag, «Qoǵamdyq kólik júrgizýshisi» atalymynda «№1 avtobýs parki» AQ-nyń júrgizýshisi  Dýlat Ahmetov, «Qurylysshy» atalymynda «Astanaqurylysservıs» JShS-niń ınjeneri Maıdan Qusaıynov, «Dánekerleýshi» atalymynda «Astana - óńirlik elektr jelilik kompanııasy» AQ-nyń qyzmet basshysy  Sergeı Alekseev, «Jolshy» atalymynda «IslamKZ» JShS-niń atqarýshy dırektory Ǵalym Jasybaev jeńimpaz dep tanyldy.