Elorda ákimdiginde Smart Astana jobasyn iske asyrý máseleleri talqylandy
«Memleket basshysynyń tapsyrmasymen «Aqyldy qala» arnaıy baǵdarlamasy ázirlenedi. Maqsaty - qalalyq qyzmetterdiń jumysyn belsendirý jáne qaıta qurý, ıaǵnı olardyń qyzmetiniń tıimdiligin arttyrý; halyq pen bızneske sapaly qyzmet kórsetýdi qamtamasyz etý; ınfraqurlymnyń úılesimdi jáne naqty jumysyn uıymdastyrý. Tıisti jumystar eń aldymen halyqty mazalaıtyn salalarda qolǵa alynbaq. Atap aıtqanda, kólik, bilim, medıtsına, TKSh júıesi jáne t.b.», - dedi Áset Isekeshev.
Óz kezeginde, mınıstr Dáýren Abaev halyq ózgeristerdi birden sezinetindeı jobalardy biriniń sońynan birin qolǵa alý kerek ekendigin atap ótti. Jumystar mektepke deıingi mekemelerden, kólik kommýnıkatsııalar salasynan bastalmaq.
Kezdesýdiń qorytyndysy boıynsha taraptar «Smart Astana» jobasyn iske asyrý boıynsha jumys tobyn qurý týraly kelisti. Arnaıy ázirlengen tujyrymdama sandyq qoǵamdy qurý boıynsha jobalar kezeń-kezeńmen engiziletin bolady. Alǵashqy jobalar mektepke deıingi bilimdi, densaýlyq saqtaý men kólik salalaryn qamtıdy.
Birlesken jumystarǵa QR IDM tehnıkalyq retteý komıteti, Innovatsııalyq tehnologııalar parkiniń Almaty klasterlik qory (ITP AKQ), sondaı-aq, damý ınstıtýttary, sonyń ishinde «Zerde» holdıngi, «Tehnologııalyq damý jónindegi ulttyq agenttik» AQ (TDUA) tartylady. Kompanııalar standarttaý, ınnovatorlarmen jumysty uıymdastyrý, sandyq tehnologııalardy engizý jáne Astanada ınnovatsııalyq jobalardy qarjylandyrý máseleleri boıynsha barlyq qajetti kómekti kórsetýge nıet bildirip otyr.
Eske sala ketsek, «SmartAstana» tujyrymdamasymen «Astana Innovations» AQ aınalysady. Qazirgi kezde «Smart mektep», «Smart emhana», «Smart kósheni jaryqtandyrý», «Smart payments», «Smart tickets», «Smart tracking», Astananyń ıntellektýaldy baılanys ortalyǵy júzege asyryldy.
Ótken jyly joǵaryda atalǵan jobalardyń beseýi ınvestorlardyń qarjysy esebinen júzege asyryldy. Jobalardyń basym bóligi portal men «SmartAstana» qosymshasyna biriktirildi.
Búgingi tańda 63 myńnan astam elorda turǵyn atalǵan mobıldik qosymshany júktegen. Onyń ereksheligi jedel habarlamalardyń kelip túsý jáne «Astana-109» baılanys ortalyǵyna ótinish berý fýnktsııasy, sondaı-aq, basqa da kóptegen aqparattyq servıster bolyp tabylady.
