Elorda ákimdiginde satýshysy joq «Adaldyq dúkeni» ashyldy
NUR-SULTAN. QazAqparat - Nur-Sultan ákimdiginde satýshysy joq «Adaldyq dúkeni» ashyldy, dep habarlaıdy QazAqparat tilshisi.
«Satýshysy joq dúken! Nur-Sultan ákimdiginde «Adaldyq dúkeni» ashyldy. Munda qyzmetkerler men qonaqtar ózderine qajetti zattardy alyp, alynǵan taýar úshin aqshany kassalyq jáshikke qaldyra alady. Mundaı dúkenderdi ashý qyzmetkerlerdiń jaǵymdy moraldyq qasıetterin, sonyń ishinde ishki parasattylyq pen adaldyqty tárbıeleýge baǵyttalǵan», - dep jazady elorda ákimdiginiń baspasóz hatshysy Elvıra Júrgenbaeva.
Onyń jazýynsha, «Nur-Sultan - adaldyq alańy» jobasy qarqyndy iske asýda.
Eske sala ketsek, byltyr «Astana - adaldyq alańy» jobasynyń basshysy Jazıra Jylqyshıeva qaladaǵy turmystyq sybaılas jemqorlyqtyń deńgeıin aıtarlyqtaı tómendetýge yqpal etken joba keńsesiniń qolǵa alǵan sharalary týraly aıtyp bergen bolatyn.
