Elorda ákimdiginde Halyqqa qyzmet kórsetý ortalyqtarynyń máseleleri qaraldy
ASTANA. Qazannyń 8-si. QazAqparat - Búgin elorda ákimdiginde «Halyqqa qyzmet kórsetý ortalyqtary arqyly memlekettik qyzmet kórsetý sapasy: problemalar jáne olardy sheshý joldary» taqyrybynda dóńgelek ústel ótti.
Astana men Almaty qalalarynyń, sondaı-aq oblys ákimdikteri apparattarynyń laýazymdy ókilderi bas qosqan alqaly jıyn barysynda osydan 9 aı buryn ákimdikterdiń qaraýyna berilgen Halyqqa qyzmet kórsetý ortalyqtarynyń ózekti máseleleri talqyǵa tústi. Halyqqa qyzmet kórsetý ortalyqtary arqyly óz qyzmetterin kórsetetin memlekettik organdardyń standarttardy saqtaý, sondaı-aq atalǵan mekeme qyzmetkerleriniń jalaqysynyń tómendigi de nazardan tys qalmady.
Astana qalasy ákimi apparaty basshysynyń orynbasary Asqar Raqymjanovtyń aıtýyna qaraǵanda, elorda ákimdigi Ádilet mınıstrligimen qujattaý boıynsha qyzmetter kórsetý barysynda ádilet departamentine HQKO mamandaryn issaparǵa jiberý týraly memorandýmǵa qol qoıýǵa nıettenip otyr. Bundaı qadam HQKO-larda kezektiń ulǵaıýyna jol bermeıdi.
